Вечерва во Крива Паланка се комплетираше осминафиналето од футсал Купот на Македонија со што ги имаме сите патници во четвртфиналето, откако тимот на Осогово преку пенал рулетот го елиминираше Проект во прволигашкото дерби по 3:3 во регуларниот дел.
Во првиот дел беа постигнати два погодоци, по еден на двете страни за 1:1 на полувреме. Александар Михајлов погоди за водство на гостинот во 11. минута, а три минути подоцна Мартин Тодоровски погоди за 1:1. Во вторитоо полувреме домашниот тим направи пресврт и поведе најпрво со 2:1 преку втор гол на Тодоровски во 24. минута, а веќе во 25. минута резултатот беше 3:1 со гол на Давид Ристовски.
Во 26. минута од мечот поради втор жолт картон од играч беше исклучен Давид Ристовски во домашниот тим.
Проект веднаш реагираше и намали на 3:2 со вториот гол на Мухајлов, а Петре Даиловски во 30. минута ги постави конечните 3:3. На четири минути пред крајот шефот на стручниот штаб на домашниот тим, Милан Митовски доби директен црвен картон.
Во првата пенал серија Михаил Павловски и Стефан Димовски не реализираа, во втората серија Мартин Тодоровски погоди за домашнио тим, а пак Никола Анчевски за гостинот. Потоа погодија Кристијан Станојковски и Марио Благојевски.
Во последнат серија Петре Даиловски не успеа да погоди за Проект, а пак Кристијан Ристовски беше сигурен за Осогово со што обезбеди четвртфинале за неговиот тим, а со тоа и голема радост на навивачи кои беа во сала.
Во четвртфиналето покрај Осогово се пласираа и екипите на Балкан, Јувентус Серава, Шкупи, Мал Ајакс, Партизан Југ Брвеница, освојувачот Форца и тимот на Кратово.
