Есенската полусезона во женската ракометна Суперлига заврши, а пролетниот дел ќе стартува на 8. февруари.
Регуларниот дел од тековната сезона е комплетира и веќе започнаа натпреварите од плеј-офот, беа одиграни две кола, а натпреварите од плеј-аут сегментот ќе продолат од 8. февуари 2025 година.
Што се однесува до плеј-офот, актуелниот шампион Ѓорче Петров забележа две високи победи над Чаир од 40:27 и против Астибо од превисоки 48:17 и со тоа има пет бодови на своето конто и се наоѓа на првото место на табелата со плеј-офот.
На второто место исто така со пет бодови е Металург Автокоманда, овој тим има победа над Астибо од 21:42 во Штип и висок триумф над Вардар од 33:18.
На третото место со пораз и победа е тимот на Чаир, кој има три бодови, а пак Куманово и Вардар имаат по еден бод, додека тимот на Астибо од Штип е на дното во плеј-офот без бодови.
Во плеј-аут сегментот ќе се натпреваруваат Пелистер, Деспина и Ѓорче Петров 2 кои имаат по два бодови, Овче Поле, Стружанка и Спартак кои пренесуваат по еден бод и Шампион без бодови.
