На 1. март Ракометната федерација на Македонија ќе добие нов претседател, овој датум беше потврден на денешната седница на Управниот одбор на РФМ.
Актуелниот претседател Живко Мукаетов, не може да се кандидат за трет мандат, а со тоа Ракометната федерација на Македонија ќе добие нов претседател.
Првиот човек на Бутел Скопје, Александар Стафанов, веќе денес и официјално ја поднесе својата кандидатура во трката за претседател на РФМ.
„Иако сум релативно млад, верувам дека искуството што го стекнав во ракометот, како на чело на РК Бутел така и како дел од Управниот 0дбор на Ракометната федерација на Македонија, ме подготвува за оваа одговорна задача. Со напорна работа и тимска соработка, уверен сум дека можам да придонесам за натамошен развој на нашиот спорт. Засега фокусот го насочувам на настапот на репрезентацијата на Светското првенство, а наскоро ќе споделам повеќе детали за моите планови и визија,“ изјави Стефанов.
Во јавност кружат имиња и за други можни кандидати кои ќе поднесат своја кандидатура, па очекуваме во следниот период да видиме дали ќе има и други кандидати за претседател на РФМ.
