Екипата на Пчиња за пролетната полусезона во Трета лига – Север, се засили со 21-годишниот Давид Блажевски, кој доаѓа од редовите на второлигашот Борец од Велес.
Новото засилување на Пчиња игра на позицијата крилен напаѓач, а во својата кариера има настапувано за Кадино и Њу Старс.
Пчиња добива младо и квалитетно засилување, а целта на овој тим кој е нов член на Трета лига – Север, откако минатата сезона стана шампион во Општинската фудбалска лига во Куманово и преку бараж се избори за Трета лига – Север, ќе атакува на директен и сигурен опстанок во третолигашкото друштво, а ќе води борба и за што подобар пласман.
Во следниот период според информациите на Спортска Мрежа ќе бидат ангажирани уште две до три засилувања.
Есенскиот дел во Третата македонска фудбалска лига – Север, екипата на Пчиња го заврши на 11. место со 12 бодови.
