Македонија Ѓорче Петров стигна до втората сезонска победа во Втората македонска фудбалска лига, откако на домашен терен со минимални 1-0 го совлада дебитантот Камјани во првиот натпревар од петтото коло.
Мрежите мируваа во првото полувреме, а победничкиот момент за домаќините дојде во 70. минута, кога Стефан Темелков го постигна единствениот гол на натпреварот и ги донесе трите бода за Македонија Ѓорче Петров.
Со оваа победа, тимот од Ѓорче Петров ја запиша втората сезонска радост, додека Камјани го претрпе вториот пораз по пет одиграни кола.
Останатите натпревари од оваа рунда ќе се одиграат во текот на утрешниот ден, по што колото ќе биде комплетирано со дополнително закажаниот дуел меѓу Работнички и Брера. Натпреварот е одложен поради настапот на струмичкиот тим во младинската Лига на шампиони.
