Кошаркарската федерација на Македонија одржа работен состанок со претставниците на клубовите – членки на Здружението на клубови од Суперлигата, на кој беа разгледани повеќе прашања поврзани со организацијата и подготовките за новата натпреварувачка сезона 2026/2027.
Состанокот се одржа во просториите на КФМ, а во фокусот беа теми од значење за непречено организирање и спроведување на натпреварувањата во претстојната сезона.
Меѓу главните точки на состанокот беа системот на натпреварување за сезоната 2026/2027, термините за почеток на сезоната, како и организацијата на Суперкупот на Македонија.
Претставниците на клубовите беа информирани и за продолжувањето на спонзорската соработка со компанијата „М-тел“, која претставува дополнителна поддршка за развојот и унапредувањето на македонската кошарка.
Работниот состанок беше можност федерацијата и клубовите да ги разменат мислењата, предлозите и ставовите за прашањата поврзани со претстојната сезона. Сите предлози и согледувања ќе бидат земени предвид во понатамошното постапување на надлежните органи на КФМ.
Во рамките на состанокот беше реализирана и ждрепката на натпреварувачките броеви, по кои беа формирани двојките за првото коло од новата сезона во Суперлигата:
ДВОЈКИ 1. КОЛО (3/4.ОКТОМВРИ)
- Струмица – Работнички
- Пелистер – ТФТ
- Скопје – Кожув
- МЗТ Скопје Аеродром – МКК Куманово
- Штип – Тиквеш Голден Игл
