Фудбалскиот клуб Готен од радовишко Подареш од оваа сезона се реактивира и ќе се натпреварува во Општинската фудбалска лига во Струмица, за што претходно ексклузивно објави Спортска Мрежа.
По санацијата на фудбалскиот терен во поранешната општина Подареш, ќе биде одигран и првиот пријателски натпревар на овој терен.
Готен против Напредок од Радово ќе ја проверува формата на екипата, а контролниот натпревар е закажан за недела од 16:30 часот.
Готен по повеќе од една деценија се реактивираше на фудбалската карта на Македонија, а Подареш и околината одново добиваа можност да следат фудбалски натпревари и одново во недела да уживаат во добар фудбал.
Како што претходно најавивме ќе направиме емисија посветена на Готен, наскоро Спортска Мрежа од Подареш.
