Вечерва уште три три екипи обезбедија четвртфинале од футсал Купот на Македонија. Екипата на Партизан Југ со 6:2 беше пресилна за прилепска Победа и со тоа тимот од Брвеница закажа четвртфинале.
Првиот дел беше доста неизвесен и заврши со 1:1, а во вториот дел Партизан Југ доминираше за висок и убедлив триумф. Горан Новакоски постигна хет-трик вечерва, а пак двоен стрелец беше Петар Обадиќ, додека пак стрелец на еден гол беше Ивица Ангелески.
За прилепскиот тим стрелци беа Ангел Барлески во првиот дел и Нермин Каришик во вториот дел.
Ниту четирите голови на Александар Коцев не помогнаа за триумф на Црна Река, откако каваречкиот прволигаш загуби во Штип од второлигашот Мал Ајакс со 10:5.
Штипјани потврдуваа зошто се есенски шампион во Втората лига, но ги потврдуваа и квалитетите, а со тоа и амбиции за враќање во Првата лига.
Иса Дурмишов постигна четири гола, а пак хет-трик имаше Теодор Наков, додека пак Ангел Белчовски беше двоен стрелец, а еден гол постигна Седат Мамудов. За прволигашот од Кавадарци четири гола постигна Александар Коцев, а пак Никола Димов беше стрелецна еден гол.
Јувентус Серава со 4:2 славеше против Клими за следна фаза од Купот на Македонија, а на крилата на Армандо Алијевиќ кој беше стрелец на сие четири гола за Јувенту Серава.
За тимот од Кавадарци двоен стрелец беше Петар Левков, кој погоди во вториот дел од натпреварот.
Четвртфинале обезбедија Балкан, Јувентус Серава, Шкупи, Мал Ајакс, Партизнан Југ Брвеница, освојувачот Форца и Кратово, а утре ќе биде познат последниот патник со мечот меѓу Осогово и Проект во Крива Паланка.
