Струмица домаќин на развоен турнир за фудбалерки до 15 години

Во периодот од 10 до 16 септември, во Струмица ќе се одржи развоен турнир за фудбалерки до 15 години, на кој покрај репрезентацијата на Македонија ќе настапат и селекциите на Молдавија, Турција и Црна Гора.

Натпреварите ќе се играат на теренот на комплексот „Пандев“ во Струмица и на стадионот „Кукуш“ во Турново.

Турнирот ќе започне на 11 септември, кога во рамките на првото коло Македонија ќе се соочи со Молдавија. Натпреварот ќе се одигра во Турново со почеток од 16:30 часот. Во истиот термин, на комплексот „Пандев“ во Струмица, ќе се сретнат Црна Гора и Турција.

Второто коло е закажано за 13 септември. Македонија повторно ќе игра во Турново, овојпат против Црна Гора, додека на комплексот „Пандев“ ќе се соочат Турција и Молдавија. И двата натпревари ќе започнат во 16:30 часот.

Последното, третото коло, ќе се одигра на 16 септември, со почеток од 11:00 часот. Македонија во Турново ќе ги одмери силите со Турција, додека во Струмица ќе се сретнат Црна Гора и Молдавија.

Развојниот турнир ќе биде одлична можност за младите фудбалерки да стекнат меѓународно искуство и да се надигруваат со врсничките од четири различни репрезентации.

Селекторот Астрит Мерко ги повика следниве фудбалерки:

1. Илина Аврамоска (ЖФК Топ Гол)
2. Ангелина Темелкоска (ЖФК Цевитана)
3. Елена Мангоска (ЖФК Ас Јунајтед)
4. Ива Цветаноска (ЖФК Ас Јунајтед)
5. Анастасија Андреевска (ЖФК Љуботен)
6. Леа Атанасовска (ЖФК Скопје)
7. Вања Заковска (ЖФК Скопје)
8. Теона Стојаноска (ЖФК Скопје)
9. Зелије Балажи (ЖФК Ускана)
10. Јонида Лика (ЖФК Ускана)
11. Лина Јосифоска (ЖФК Цевитана)
12. Ања Милеска (ЖФК Цевитана)
13. Елена Момироска (ЖФК Цевитана)
14. Јана Маркоска (ЖФК Цевитана)
15. Исидора Илиевска (ЖФК Истатов)
16. Роза Стамкова (ЖФК Истатов)
17. Илина Јаневска (ЖФК Кочани)
18. Ива Велков (ЖФК Кочани)
19. Сара Саздовска (ЖФК Топ Гол)
20. Илина Ѓориќ (Речица)