Со големото дерби меѓу Охрид и Еурофарм Пелистер ќе започне новата сезона во Супер лигата, а веќе се познати и арбитрите кои ќе ја делат правдата во „Билјанини извори“.
РФМ ги одреди судиите и делегатите за првото коло, па дербито во Охрид ќе го судат Благојче Тодоровски и Димитар Митревски. За делегати се назначени Ацо Николовски и Лери Мирчевски.
Охрид, кој минатата сезона заврши на третото место, на стартот ќе има тежок предизвик против актуелниот вицешампион Еурофарм Пелистер. Натпреварот е закажан за недела, 6 септември, од 19:00 часот во СРЦ „Билјанини извори“.
Двете екипи со големи амбиции влегуваат во новата сезона, а првиот голем тест веднаш носи и сериозна задача за судискиот тандем Тодоровски – Митревски.
