Бењамин Ќерими и Борис Трајков ќе бидат под посебно внимание на УЕФА на натпреварот од 6. коло во Првата МФЛ меѓу Шкендија и Тиквеш, кој ќе се одигра во петок.
Ќерими, кој ќе биде главен судија на натпреварот и Трајков, кој ќе ја има улогата на асистент-судија, веќе се дел од UEFA CORE програмата, наменета за перспективни судии со потенцијал во иднина да бидат дел од листата на меѓународни судии.
Нивниот настап на натпреварот ќе биде следен од двајца UEFA CORE експерти, Христос Николаидис од Кипар и Роберт Вукан од Словенија, кои се ангажирани да ги анализираат и оценат перформансите на македонските судии. Опсервацијата ќе ги опфати нивното однесување и донесување одлуки на теренот, позиционирањето, интерпретацијата на ситуациите и целокупното управување со натпреварот.
Натпреварот Шкендија – Тиквеш е закажан за петок, 4 септември, во рамки на шестото коло од Првата МФЛ.
