ебитантот во Втората женска фудбалска лига, Менада од Тетово промовираше две нови засилувања – Нина Алексовска и Ива Тодосова.
17-годишната Алексовска доаѓа од тимот на Слободен, станува збор за талентирана фудбалерка која може да покрие повеќе позиции во тимот и ќе биде одлично засилување за новајлијата во второлигашката конкуренција.
Тодосова која има 20 години пристигна од велешки Борец каде беше капитен, каде настапуваше една сезона. Претходно беше дел од Слободен, Цевитана, Речица, а кариерата ја започна во Кратерки.
Може да игра како десен бек и стопер со што дава простор за повеќе опции во дефанзивната ротација.
Од тетовскиот клуб посочуваат дека во следните денови ќе има нови засилувања.
