Ориол Реј Моралес со трофеј го започна својот нов предизвик во Полска. Поранешниот ракометар на Охрид славеше со Висла Плок против Киелце со 27-24 и го освои Супер купот на Полска.
Киелце имаше предност во второто полувреме, но Висла успеа да направи голем пресврт и со одлична игра во завршницата да стигне до победата.
Сергеј Косоротов беше предводник на триумфот со својата реализација, додека Висла одигра одлично и во одбраната. Реј Моралес беше дел од цврстата дефанзивна поставеност на победничкиот тим, заедно со Леон Шушња.
За шпанскиот интернационалец ова е одличен старт во новата средина, откако летово го напушти Охрид и направи трансфер во Висла Плок.
