КК Гостивар продолжува со формирањето на ростерот за новата сезона, а најново засилување е американскиот интернационалец Кристијан Тарнер.
Тарнер е висок 202 сантиметри и игра на позицијата крилен центар, а во Гостивар треба да донесе дополнителна цврстина и квалитет под кошевите.
Американецот зад себе има богато NCAA искуство. Во колеџ-кариерата настапуваше за Troy и Texas State, во рамките на Sun Belt Conference, каде што во сезоната 2024/25 за Texas State имаше просек од 6,1 поен, 4,2 скока, 2,1 асистенција и 1,3 украдени топки по натпревар.
Тарнер во NCAA кариерата одигра 153 натпревари, со просек од 4,7 поени и 3,4 скока по меч, а во сезоната 2024/25 запиша и еден дабл-дабл, со 15 поени и 10 скока против ULM.
Со ангажманот на Тарнер, КК Гостивар добива уште едно физички моќно решение во рекетот, со кое тимот ќе се обиде да биде поконкурентен во новата сезона.
