Македонскиот боксер Ален Рустемовски се враќа дома со бронзен медал од Медитеранските игри во Таранто, Италија.
Рустемовски имаше одличен настап на турнирот, но за жал не успеа да стигне до големото финале. Во полуфиналниот меч против Шпанецот Ернандез, македонскиот боксер беше поразен со судиска одлука, иако неговиот настап остави впечаток дека заслужуваше поинаков епилог.
Рустемовски се бореше до последната секунда, но судиите на крајот пресудија во корист на шпанскиот боксер. Така, наместо место во финалето и борба за златото, Ален мораше да се задоволи со бронзениот медал.
И покрај горчината поради судиските одлуки, бронзата од Медитеранските игри претставува значаен успех за македонскиот бокс и потврда за квалитетот на Рустемовски.
Ален сега се враќа дома со медал, но и со дополнителен мотив за нови предизвици и уште поголеми успеси во иднина.
