Виктор Велкоски повторно го облекува дресот на Брегалница и ќе биде ново засилување за штипскиот тим. Станува збор за искусен и квалитетен дефанзивец кој може да одговори и на позицијата последен играч за врска.
30-годишниот Велкоски зад себе има богата кариера, во која настапуваше за Вардар, Љубанци, Пелистер, ФК Скопје, Работнички, Победа и Брегалница. Исто така, има интернационално искуство, настапувајќи за Лачи од Албанија, Егиниакос од Грција и Туран од Казахстан.
Корпулентниот стопер ќе донесе дополнително искуство и сигурност во дефанзивната линија, а неговото враќање ќе ја зголеми конкуренцијата во составот на „плавите“.
