Продолжуваат одлични натпревари на Новогодишниот турнир во мал фудбал „Куклиш 2024“, вечерва беа одиграни два дерби натпревари.
Во првото соочување Герасов и Баламов Компани одиграа ефикасен меч во кој немаше победник откако резултатот беше 3:3 во регуларниот дел. Во пенал серијата подобра беше екипата на Герасов со 2:1.
Во регуларниот дел за Герасов стрелци беа Владимир Трендавиловиќ, Ненад Тодоров и Дејан Кајсторовски, а пак за Баламов Компани стрелци беа Мирче Попов, Христијан Бејков и Иле Баламов.
Во вториот меч тимот на Еклектик однесе победа од 3:2 над тимот на Црна Река од Кавадараци, во дербито кое беше неизвесно, а за комплетно уживање на публиката.
Тони Мичковски, Славче Митовски и Дарко Алексовски беа стрелци за тимот на Еклектик, додека пак за Црна Река стрелаа Тони Гацев и Петар Ристовски.
Спонзори и помагатели на „Куклиш 2024“ се Општина Струмица, Еклектик, Лав Комерц, Јови-МК, Никола Црнкаров, Агро-Драв-ВД, Едисон Јосе, Фреш Енд Драј, Криго-Каес, НП-Транс, Бимакс-Плус, Вен Воцар, Икарус, Стариот Џумбушлија, Христмил-Банско, Тера Пет Плус, Владо Банско, Печатница Дељо, Токи Еднокуќево, Термо-Митко и Флекс Компани.
Спортска Мрежа е медиумски покровител на овој спортски настан.
