Фудбалерите на Пелистер со пораз ја заокружија серијата контролни натпревари пред почетокот на новата сезона. Битолчани на стадионот „Ѓорѓи Куќику“ загубија од албански Поградец со 4-2.
Двата тима одиграа неизвесно прво полувреме, во кое мрежите мируваа до 33. минута. Тогаш Христов ја затресе мрежата и му донесе предност на Пелистер. Сепак, Поградец успеа да возврати пред паузата, па на одмор се замина со нерешени 1-1.
Во вториот дел следуваше поефикасна игра и уште четири погодоци. Домашниот состав беше поконкретен во завршницата и успеа да ја обезбеди победата, додека Пелистер уште еднаш ја погоди мрежата преку Талевски, кој во 83. минута го постави вториот гол за битолчани.
- ЦЕЛИОТ НАТПРЕВАР: Поградец – Пелистер:
Со овој натпревар Пелистер го завршува подготвителниот период и сега целосно го насочува вниманието кон првенствените обврски.
Битолчани во новата сезона ќе се натпреваруваат во Втората македонска фудбалска лига и влегуваат со големи амбиции, како еден од главните фаворити за промоција во елитата.
Првиот официјален предизвик ги очекува на 15 август, кога Пелистер на домашен терен ќе го пречека дебитантот во Втората лига, Камјани.
