КК Пелистер продолжува со засилувањата за новата сезона, а најново име во редовите на битолскиот клуб е американскиот бек-шутер Камрон МекДауел.
Станува збор за 23-годишен кошаркар висок 196 сантиметри, кој зад себе има одлична колеџ кариера и во Битола пристигнува со улога да биде еден од лидерите на тимот.
Во текот на пет сезони во американската колеџ лига, МекДауел одигра 92 натпревари на кои постигна 1.519 поени, а забележа и 317 скокови и 184 асистенции. Неговиот просек изнесува 16,5 поени, 3,4 скока и две асистенции за 26,8 минути поминати на теренот.
Најдобрата сезона ја имаше во 2024/25, кога во дресот на Нортвестерн Оклахома Стејт бележеше импресивни 27,3 поени, 4,7 скока и 2,7 асистенции по натпревар.
МекДауел беше дел од НБА драфтот во 2025 година, но потоа се врати во универзитетската кошарка, каде повторно имаше одлични настапи. Во тимот на Тарлетон беше меѓу најдобрите стрелци во лигата, а со своите игри заслужи место во двете најдобри петорки на шампионатот.
