Во второто полуфинале на турнирот во мал фудбал „Ораовица 2026“, екипата на Фреигхт Оне прикажа одлична игра и со убедливи 3-0 ја совлада екипата на Вергови, обезбедувајќи пласман во големото финале.
Иако конечниот резултат е убедлив, натпреварот понуди динамична и неизвесна игра, особено во првото полувреме.
Резултатот беше отворен со атрактивниот погодок на Владимир Дујовски, кој донесе водство од 1-0 за Фреигхт Оне пред паузата.
Во второто полувреме, Фреигхт Оне ја потврди доминацијата. Најпрво Горан Стојанов ја зголеми предноста, а потоа Горан Коцевски ги постави конечните 3-0, со што го завери пласманот на својата екипа во финалето.
Така, љубителите на малиот фудбал ги очекува вистинско дерби во големото финале, каде Фреигхт Оне ќе ги одмери силите со Вила Клепало, која претходно со минимални 1-0 го елиминираше составот на Тобако Јако & Такси Бате ЗЦ. Финалниот натпревар е закажан за утре (вторник) во радовишкото село Ораовица.
Финале утре стартува во 22:30 часот, а мечот за трето место е во 21:00 часот.
Спортска Мрежа е медиумски покровител на овој турнир кој година има свое 10. издание.
