По успешната премиера минатата година, кога турнирот доби бројни пофалби за одличната организација и квалитетните натпревари, на крајот од август повторно ќе се одржи „Football Summer Mini Cup“, кој полека прераснува во еден од најинтересните младински фудбалски настани во регионот.
Минатата година турнирот за првпат се одржа во Богданци, но годинава ќе се одржи во Дојран, на уште подобра локација, каде ќе има време и за плажа и капење во прекрасното Дојранско Езеро.
Второто издание на турнирот е закажано за 29 и 30 август 2026 година во Дојран, а организаторите веќе ги отворија пријавите за сите заинтересирани екипи.
Натпреварите ќе се играат на природна трева, а организаторите најавуваат одлична атмосфера, фер-плеј и уште едно незаборавно фудбалско дружење. Како што стои и во мотото на турнирот – „Еден турнир. Многу емоции. Едно лето!“, како и „Фудбал. Пријателство. Убави спомени.“
Турнирот ќе се игра во пет возрасни категории, распределени во два натпреварувачки дена:
Сабота – 29 август 2026
У12 (генерација 2015)
У10 (генерација 2017)
У8 (генерација 2019)
Недела – 30 август 2026
У11 (генерација 2016)
У9 (генерација 2018)
Минатогодишното прво издание помина во одлична атмосфера и со беспрекорна организација, а очекувањата се годинава турнирот да биде уште помасовен и поквалитетен.
Спортска Мрежа и оваа година ќе биде медиумски покровител на „Football Summer Mini Cup“, обезбедувајќи целосно медиумско следење, промоција и известување од сите случувања на турнирот.
Заинтересираните клубови и школи можат да добијат повеќе информации и да ги поднесат своите пријави преку:
📞 077/587-501
📘 Facebook: Football Summer Mini Cup
📸 Instagram: Football_Summer_Mini_Cup2026
Дојран и на крајот од ова лето повторно ќе биде место каде младите фудбалски таленти ќе ги покажат своите квалитети, ќе стекнат нови пријателства и ќе создадат убави спортски спомени.
