КК Пелистер го претстави третото засилување за сезоната 2026/27. Нов член на битолскиот клуб е Коста Кириловски, еден од најперспективните млади македонски кошаркари.
Станува збор за високо крило кое потекнува од школата на Водно Санс, а во изминатите две сезони настапуваше за Игокеа и Кожув, каде што стекна значајно искуство во сениорска конкуренција.
Кириловски е стандарден член на младинските репрезентации на Македонија, а со своите настапи веќе се избори и за место на поширокиот список на сениорската репрезентација.
Со неговото доаѓање, Пелистер продолжува да го гради тимот за претстојната сезона, комбинирајќи млади и перспективни играчи со амбиција за успешен настап во домашните натпреварувања.
