Македонскиот футсал шампион Проект ја започна втората фаза од подготовките, која се реализира во СЦ „Истатов“ во Дојран.
По успешно реализираниот прв дел од подготовките, тимот од Јосифово се „пресели“ во Дојран каде ќе работи на втората фаза која е посветена на тактичко-техничкото воигрување на тимот пред настапот во УЕФА Футсал лигата на шампиони.
„Работниот ритам се засилува, а атмосферата меѓу играчите е одлична. Заедништвото, дисциплината и мотивот се чувствуваат во секој тренинг, бидејќи сите сме свесни дека големите достигнувања се градат токму во вакви денови“, велат од Проект.
Македонскиот шампион веќе ги дозна и противниците за групата во ЛШ. Тимот од Јосифово ќе игра во исклучително силна група, каде за ривали ќе ги има шампионите на Словенија – Врхника, Австрија – Атлетик Грац и Израел – Макаби. Натпреварите од оваа фаза ќе се одиграат во периодот од 25 до 30 август.
