Од вечерва започна осминафиналето на Меморијалниот турнир во мал фудбал „Влатко Петров“ во штипска Чардаклија.
Тимот на Украс ИНГ со неверојатни 7:3 славеше над Фаланга Штип за влез во четвртфиналето со „лото“ победа.
Техногума Мела со 3:0 го доби мечот со Meta Pixels, а пак тимот на Каров Шпед Шкорпиони со тесни 2:1 се намачи да го добие дуелот со Џоле Транс Коп.
Во рамките на последниот меч за оваа вечер тимот на Магна доживеа вистинска „катастрофа“ откако беше поразен со неверојатни 0:10 од Тобис Агро.
Ова се првите екипи кои обезбедија „виза“ за пласман во четвртфиналето.
Спортска Мрежа и годинава е медиумски покровител на овој спортски настан, а утре следуваат нови натпревари за нови возбудувања.
