Вечерва беа одиграни пет натпревари на Меморијалниот турнир во мал фудбал „Влатко Петров“, кој се игра во штипската населба Чардаклија.
Тимот на Капа Верде триумфираше над Чардаклија Сениори со 3:5, а потоа Met Pixels со резултат од 6:3 го доби тимот на Радање за сигурен триумф.
Следуваше висока победа за Каров Шпед Шкорпиони од 3:8 над No Stop Transport, кој беше инфериорен противник на теренот во Чардаклија.
Потоа следуваа две победи за тимот на Украс ИНГ кој со 4:2 го доби Перо и Тајфата, а пак со тесни 2:1 славеше над Капа Верде.
Програмата за сабота (25 јули) носи четири возбудливи мечеви.
20:00 часот Камлес Градба – Радање
20:50 часот Камлес Градба – Фаланга Штип
21:40 часот Динамо Штип – Џоле Транс Коп
22:30 часот Техногума-Мела рент – Капе Верде
Спортска Мрежа и годинава е медиумски покровител на овој спортски настан, а соработката настана во 2022 година.
