Вечерва на Новогодишениот турнир во мал фудбал „Куклиш 2024“ беа одиграни два натпревари во сениорска конкуренција и меч во јуниорска конкуренција.
Во првиот меч во сениорска конкуренција тимот на Дрвош со превисоки 8:0 го декласираше Нашето Мало, откако противникот беше инфериорен на теренот и немаше сили и капацитет да парира и да го запре налетото на пресилниот Дрвош.
Александар Коцев одново беше расположен за голови, откако постигна хет-трик, а хет-трик имаше и Димитар Ѓогиев, а по еден гол постигнаа Ѓорги Трајков и Стојанче Николов.
На вториот меч екипата на Винарија Здравко со 9:4 беше пресилна за тимот на Чореви Транс. Кај победничката екипа најдобар стрелец со четири погодоци беше Наум Блажевски, Васко Глигоров постигна два гола, како и Горан Гоцевски, а Минур Асанов беше стрелец на еден гол. За екипата на Чореви Транс двоен стрелец беше Никола Стајковски, а по еден гол постигнаа Живко Гоцев и Христијан Крстев.
Утре ќе биде слободен ден на турнирот, а натпреварите продолжуваат во недела.
Спонзори и помагатели на „Куклиш 2024“ се Општина Струмица, Еклектик, Лав Комерц, Јови-МК, Никола Црнкаров, Агро-Драв-ВД, Едисон Јосе, Фреш Енд Драј, Криго-Каес, НП-Транс, Бимакс-Плус, Вен Воцар, Икарус, Стариот Џумбушлија, Христмил-Банско, Тера Пет Плус, Владо Банско, Печатница Дељо, Токи Еднокуќево, Термо-Митко и Флекс Компани.
Спортска Мрежа е медиумски покровител на овој спортски настан.
