Второлигашот Брера Струмица денес ги започна подготовките за новата сезона, откако шефот на стручниот штаб Ѓорѓе Стојчев ја имаше првата прозивка.
Тимот се собра на теренот во вештачка трева во Струмица и го одработи првиот тренинг. На првиот тренинг се појавија сите фудбалери на кои стратегот Стојчев ќе смета во подготвителниот период но и за наредната сезона.
Брера ќе се подготвува во Струмица, планирани се шест пријателски натпревари низ кои ќе се проверува формата.
Во стручниот штаб влегува и Христо Бикоски, прилепчанецот ќе работи како кондиционен тренер во стручниот штаб предводен од Стојчев.
Во првото коло екипата на Брера Струмица ќе се соочи со Еуромилк ГЛ на домашен терен.
