Машката репрезентација на Македонија У18 беше поразена од Бугарија со 87:77 во првиот од двата контролни натпревари што се играат во Ботевград, во рамките на подготовките за претстојните европски првенства.
Домаќинот беше подобар во поголемиот дел од средбата и на крајот заслужено стигна до победата со десет поени разлика. Натпреварот им послужи на двата стручни штаба како важна проверка на формата пред почетокот на континенталните шампионати.
Македонските јуниори веќе денес ќе имаат можност за поправен, кога повторно ќе се сретнат со Бугарија во вториот контролен натпревар во Ботевград.
По завршувањето на двомечот, репрезентацијата се враќа во Скопје, каде ќе ги продолжи подготовките за Европското првенство од Дивизијата „Б“, кое ќе се одржи од 24 јули до 2 август во Опатија и Ријека, Хрватска.
