Второлигашот Охрид ги започна подготовките за новата сезона во која одново ќе атакува на влез во Првата македонска фудбалска лига.
Костурот на тимот е задржат во целост со мали измени, а за што веќе се водат преговори за засилувања, едно од тие ќе биде Дамјан Масевски, за што ексклузивно објавува Спортска Мрежа.
Управата веќе води преговори и во градот покрај езерото треба да пристигнат неколку прволигашки засилувања кои значително ќе го подигнат квалитетот на тимот.
Веќе официјално од клубот замина најдобриот стрелец Иван Глигоров кој е ново засилување на прволигашот Арсими, заминаа и браќата Стојан и Димитриј Попоски, како и Димитриј Димитриевски кој е нов играч на Беласица, од Охрид замина и Дарко Илиески како и Давор Серафимов.
Клубот тренира максимално посветено, целиот тим е во карантин во хотел „Десарет“ во Пештани, од каде доаѓаат на тренинг наутро и пладне, што е потврда за одлична организација со оглед на тоа што така се гради голема кохезија во тимот, каде што владее и одлична позитивна атмосфера.
