Второлигашот Охрид и во новата сезона ќе биде со амбиции да ги напаѓа првите две места кои директно водат кон Првата македонска фудбалска лига, за таа цел според информации на Спортска Мрежа ново засилување ќе биде Дамјан Масевски, кој се враќа во редовите на Охрид.
Искусниот голгетер во таборот на „рибарите“ доаѓа од штипска Брегалница, клуб со кој успеа да обезбеди влез во Прва лига.
Претходно, го носеше дресот на Детонит Плачковица, Пелистер, Силекс, Тетекс, Кадино и Работнички од каде и ја започна кариерата.
Информацијата на Спортска Мрежа за трансфер на Масевски во Охрид, на некој начин ја потврди и самиот клуб, со споделено story на официјалниот Инстаграм профил на клубот од погодоци на Масевски кога го носеше дресот на клубот.
Охрид веќе е во тренажен процес, а тимот работи максимално посветеност, а во следниот период ќе следуваат и пријателските натпревари преку кои „рибарите“ ќе ја проверуваат формата за новата сезона, која стартува на 15 август, а Охрид истата ја отвара на домашен терен против Новаци.
