Стадионите ширум Македонија ќе добијат ново руво откако ќе бидат имплементирани столчињата на трибините со што ликот на многу стадиони ќе биде променет, а публиката ќе има подобри услови да следи натпревари.
Како што истакна претседателот на ФФМ, Масар Омерагиќ во првата фаза биле донирани 8.270 столчиња за стадионите и терените низ Македонија, а на крајот од процесот, донацијата од ФФМ ќе надмине повеќе од 30.000 столчиња.
„Ветивме дека ќе инвестираме во подобри услови за фудбалот. И тоа го правиме. Во првата фаза дониравме 8.270 столчиња за стадионите и терените низ Македонија. Продолжуваме со реализација на втората фаза од донацијата, со уште близу 9.000 столчиња. На крајот од процесот, нашата донација ќе надмине повеќе од 30.000 столчиња за стадионите и терените во општините што аплицираа до ФФМ. За секој клуб. Фудбалот заслужува“, вели претседателот на ФФМ, Масар Омерагиќ.
Познато е кој стадион односно фудбалски терен ќе добие столчиња. Велес ќе добие 900 столчиња, Гостивар ќе добие 500 столчиња, Гевгелија и Кисела Вода ќе добијат најмногу столчиња – по 1.500, потоа Гази Баба 1.270 столчиња, на Градскиот стадион во Валандово ќе се постават 700 столчиња, додека пак за Градскиот стадион во Радовиш се планирани 900 столчиња. 1.000 столчиња од ФФМ ќе бидат испратени за Јегуновце.
