Еурофарм Пелистер 2 продолжува со комплетирањето на играчкиот кадар за новата сезона, а најново засилување на битолскиот тим е голманот Марко Трајков.
Младиот чувар на мрежата во Битола пристигнува по настапите за Голден АРТ и Тинекс Пролет, каде што стекна драгоцено искуство во македонскиот ракомет.
Во Еурофарм Пелистер 2 веруваат дека Трајков ќе донесе дополнителен квалитет и конкуренција на голманската позиција, а со своите настапи ќе придонесе во исполнувањето на клупските амбиции.
Со неговото доаѓање, битолскиот состав продолжува да го оформува ростерот за претстојната сезона, во која клубот ќе се обиде да изгради конкурентен тим и да развива ракометари подготвени во иднина да го облечат дресот на првиот тим на Еурофарм Пелистер.
