Екипата на МЗТ Скопје Аеродром за новата сезона се засили на плејмејкерската позиција, откако шампинот го врати македонскиот репрезентативец, Андреј Магдевски.
Новото засилување на МЗТ Скопје по третпат ќе настапува во сино-белиот дрес, откако претходно за гордоста на Аеродром настапуваше во периодот помеѓу 2018 и 2021 година, а потоа и во 2022 година, кога по неколку месеци му беше дозволено да замине во Холандија. Магдевски со старо-новиот тим има освоено две шампионски титули и тоа во 2019 и 2021 година, кога воедно беше избран за најкорисен МВП играч на финалната серија.
Репрезентативниот плејмејкер е десеттиот кошаркар во составот со кој во следната сезона МЗТ Скопје ќа ја брани двојната круна на домашна сцена, но и на патот кон враќање во АБА-лигата. Покрај Магдевски, МЗТ Скопје се засили со Дамјан и Војдан Стојановски, Бојан Крстевски, Марин Петков. Андреј Андоноски, Марко Миловановиќ, како и интернационалците Брандон Слај (САД), Марко Баковиќ (Хрватска) и Милош Копривица (Србија).
Новата сезона за МЗТ Скопје официјално почнува на 24 септември со домашниот меч против Теодо Тиват во АБА2.