Прволигашот Скопје кој обезбеди враќање во Првата македонска фудбалска лига ги започна подготовките за новата сезона со првиот тренинг на стадионот „Железарница“ во Автокоманда.
„Пиратите“ кои минатата сезона го освоија второто место во Втората лига преку бараж совладувајќи ја Брера Струмица обезбедија промоција во елитата.
Од клубот истакнаа дека со максимална посветеност и напорна работа влегуваат во новите предизвици.
„Со максимална посветеност, напорна работа и заедништво, влегуваме во новите предизвици со една цел – достојно да ги браниме боите на клубот и да ги израдуваме нашите навивачи. Ви благодариме за поддршката – бидете со нас и оваа сезона“, велат од клубот.
Новата сезона во Првата лига стартува на 25 јули, а во рамки на првото коло екипата на Скопје ќе гостува кај вицешампионот Шкендија.
