Македонското пливање ќе има свои претставници на Европското младинско првенство, кое од 7 до 12 јули ќе се одржи во Минхен, Германија.
Боите на Македонија на големиот европски собир ќе ги бранат Теодор Тримчески, Дарјан Андреев и Огнен Славковски. Тројцата млади пливачи ќе настапат под водство на тренерот Методија Анхелевски, со цел да остварат што подобри резултати, да ги подобрат своите лични времиња и да се обидат да постават нови национални рекорди.
Европското младинско првенство ќе собере дел од најталентираните млади пливачи од целиот континент, а македонските репрезентативци ќе имаат можност да ги одмерат силите со најдобрите европски конкуренти и достојно да ја претстават Македонија на ова престижно натпреварување.
