Третолигашот БВК Коњаре ќе има високи амбиции за следната сезона, откако клубот го промовираше Јусуф Алиу, а ја продолжи соработката со Руфат Чилафи.
Се работи за искусни фудбалски имиња со кои значително се подига квалитет во сопствените редови, потврда дека БВК Коњаре ќе цели на прво место и шампионски пехар во Трета лига Регион 1 и обезбедување на бараж за Втора лига.
Алиу кој има 25 години кариерата ја започна во Шкупи, од каде потоа заигра за Велазерими од Кичево, беше дел од Охрид, Беса од Добри Дол, Тетекс, Детонит Плачковица, Шкендија Арачиново и последно Беса од Сарај.
Станува збор за играч со прволигашко искуство кој дефинитивно ќе направи разлика во квалитет.
Чилафи, кој има 24 години и во следната сезона ќе го носи дресот на БВК Коњаре. Во минатото настапуваше за Шкендија Арачиново обезбедувајќи пласман од Трета лига – Север во Втора лига, Тетекс и Македонија ЃП од каде и ја започна кариерата.
Претходно, клубот се засили со Флорент Османи, голманот Бурхан Мустафа и Иљаз Чилафи.
