Вечерва беа одиграни првите осминафинални натпревари на турнирот во мал фудбал „Конче 2026“, а со тоа се познати и првите четвртфиналисти.
Вечерва беше отворена со меч во кадетска конкуренција каде екипата на Кристофер Кишнер со 5:3 славеше над Јаков Тобако. Веднаш потоа започнаа возбудувањата кај сениорите.
Црна Река со убедливи 8:2 го „прегази“ Липовиќ за пласман во четвртфиналето, а лесни задачи имаат и екипите на Интерпласт односно Перо и Тајфата.
Екипата на Интерпласт со 7:2 го декласираше составот на Бирлик Конче, а со ист резултат Перо и Тајфата беше убедлив над Мена Транс.
Спортска Мрежа и годинава е медиумски покровител на турнирот во Конче.
