Новиот шеф на стручниот штаб на Беласица, Мартин Алаѓозовски за утре (8 јули) ја закажа прозивката, со што струмичкиот второлигаш ќе ги „запали моторите“ и ќе започне со подготовки за новата сезона.
Подготовките ќе се реализираат во Струмица, а планирано е да се одиграат пет до шест пријателски натпревари за проверка на формата, а противниците за истите дополнително ќе бидат објавени.
Засега Беласица се засили само со Димитриј Димитриевски и Лука Варошановски, а во следниот период сигурно е дека ќе има уште засилувања во струмичката фудбалска гордост.
Беласица новата сезона која стартува на 15 август ќе ја отвори против Осогово на домашен терен.
