Брера Струмица со извонредни резултати во младинските категории каде има и најдобри стрелци!

Фудбалскиот клуб Брера Струмица ова есен има извонредни резултати во младинските категории, за што веќе вчера информираше Спортска Мрежа кога се во прашање резултати и успесите во Младинската Суперлига, но сега подетално за сите младински категории.

Разговаравме со координаторот на младинските категории на Брера Струмица, Борче Постолов за сите младински категории, за успесите, за резултати и целите на Брера Струмица во секоја категорија.

„Заврши есенскиот дел од младинската суперлига. Помладите пионери У-16 предводени од Панче Стојанов одиграа добра полусезона, каде што завршија на второто место на табелата. Забележавме 9 победи и два пораза и со 27 бода се пласиравме на второто место на табелата, пред екипата на ФК Македонија ЃП која има бод повеќе односно 28. Гол разликата ни е +20, каде што постигнавме 35 гола, а примивме 15. Најдобри стрелци во нашата екипа се Стефан Војчески со 8 гола, Јоаким Ѓоргие со 4 гола, Лука Георгиоски и Антонио Сталески по 4 гола, Давид Василев три гола. Пионерите У-17 предводени од тренерот Мартин Алаѓозовски заслужено се на првото место на табелата и станаа есенски шампион. Забележавме 7 победи, три нерешени и само еден пораз и со 24 бода се пласиравме на првото место на табелата. Гол разликата ни е +27, постигнати 37 гола и примени 10. Најистакнати стрелци за нашата екипа се Мартин Ѓоргиев со 11 гола, Матеј Сејменов со 8 гола, Иван Танчев со 6 гола, Албан Рочи постига четири гола. Кадетите У-18 предводени од тренерот Кире Дрвошанов со комбиниран состав одиграа добри натпревари и се пласираа на 7 то место на табелата. Забележавме 4 победи, три нерешени и 4 пораза. Гол разликата ни е +15, 29 постигнати и 14 примени. Најдобри стрелци за нашата екипа се Ристе Грендов и Иван Шириќ по 6 гола, Бобан Кузмановски со три гола, Марио Митрев има 2 гола. Младинците У-19 предводени од тренерот Ѓорге Стојчев одиграа добра полусезона и заслужено се пласираа на првото место на табелата и станаа есенски шампион. Забележавме 8 победи, две нерешени и само 1 пораз и со 26 бода се пласиравме на првото место на табелата. Гол разликата ни е +32, каде што постигнавме 38 гола, а примивме најмалку во лигата 6 гола. Најдобри стрелци во нашата екипа се Ѓоке Спасов со 10 гола, Бобан Кузмановски со 6 гола, Флориан Рочи со 5 гола, Игор Ристов има постигнато четири гола, а пак Габриел Талески три гола. На целокупната табела (бодови од сите четири генерации) сме први на табелата со 92 бода, пред екипите на ФК Работнички и ФК Шкендија со по 79 бода, ФК Пелистер 78 и ФК Вардар со 77 бода. Мора да истакнеме дека и многу деца од нашата младинска школа дебитираа и добија шанса во нашиот сениорски тим. Ѓоке Спасов, Филип Митев, Даниел Диковски, Мартин Шаренковски, Давид Ристовски, Андреј Велков (сите 2006 генерација) Игор Ристов и Каменчо Андоновски (2007 генерација) и Матео Ќесич (2008 генерација)“, вели Постолов за Спортска Мрежа.

Со правилна работа и труд резултати доаѓаат. Брера Струмица вложува многу во развојот на младинските категории, резултатите доаѓаат, младите играчи добиваат шанса и во првиот тим.

• ЦЕЛА ТАБЕЛА ПОМЛАДА ПИОНЕРСКА СУПЕР ЛИГА У-16:

• ЦЕЛА ТАБЕЛА ПИОНЕРСКА СУПЕР ЛИГА У-17:

• ЦЕЛА ТАБЕЛА КАДЕТСКА СУПЕР ЛИГА У-18:

• ЦЕЛА ТАБЕЛА МЛАДИНСКА СУПЕР ЛИГА У-19:

Во продолжение целокупната табела од вкупниот збир на бодови од сите младински категории.