Берово и ова лето ќе биде домаќин на еден од најатрактивните турнири во мал фудбал во источниот дел на Македонија. Во тек се пријавувањата за традиционалниот турнир „Малеш Куп 2026“, кој ќе се одржи од 17 до 25 јули на теренот кај Старата гимназија во Берово.
Со секое ново издание турнирот го потврдува својот квалитет и углед, а и оваа година организаторите најавуваат одлична организација, квалитетни натпревари, фер-плеј и вистинска спортска атмосфера, која секое лето привлекува голем број екипи и публика.
За најуспешните екипи е обезбеден богат награден фонд. Победникот ќе освои 130.000 денари, второпласираниот тим 70.000 денари, третото место носи 35.000 денари, додека четвртопласираната екипа ќе биде наградена со 10.000 денари.
Покрај екипните награди, традиционално ќе бидат доделени и индивидуални признанија за најдобар играч, најдобар стрелец и најдобар голман на турнирот.
Котизацијата за учество изнесува 6.000 денари по екипа, а поради ограничениот број на учесници организаторите ги повикуваат сите заинтересирани навреме да го обезбедат своето место. За пријавување и дополнителни информации на располагање е телефонскиот број 078 227 062 (Методи).
И оваа година „Спортска Мрежа“ ќе биде медиумски покровител на „Малеш Куп“, продолжувајќи ја успешната соработка што трае уште од самото основање на турнирот. Од неговото прво издание во 2022 година, нашиот портал е дел од оваа спортска приказна и редовно известува за сите случувања од Берово.
Во текот на турнирот, преку „Спортска Мрежа“ ќе бидат објавувани детални извештаи, фотографии и видеа од секој натпревар, што претставува дополнителна медиумска промоција за сите екипи и нивните спонзори.
Соберете ја вашата екипа, пријавете се навреме и бидете дел од уште едно возбудливо издание на „Малеш Куп 2026“, турнир кој веќе се вбројува меѓу најдобрите малофудбалски манифестации во Источна Македонија.
