Продолжуваат возбудувањата на традиционалниот турнир во мал фудбал „Конче 2026“, каде вечерва љубителите на фудбалот уживаа во нови интересни натпревари и атрактивни голови.
Во сениорската конкуренција, екипата на Фурна Марфи со 3:1 беше подобра од Злеово, но потоа претрпе убедлив пораз од Украс Инг, кој славеше со 12:5 во натпревар богат со голови. Во последниот меч од вечерта, Украс Инг ја потврди одличната форма и ја забележа втората победа, совладувајќи го Злеово со 7:4.
Претходно се одигра меч во кадетска конкуренција каде Резиденција Милеви со 5:0 го доби тимот на Кристофер Киснер.
Турнирот продолжува и утре со четири нови натпревари. Програмата започнува во 20:00 часот со дуелот меѓу Фреитх Оне и Ефеџан Мемо, по што следува пресметката на Фреитх Оне против Црна Река. Во вечерниот дел од програмата, Злеово ќе се соочи со Млади Таленти, а последниот натпревар е закажан меѓу Злеово и Интерпласт.
И годинава Спортска Мрежа е медиумски покровител на турнирот во мал фудбал „Конче 2026“ и ќе продолжи навремено да ги информира читателите за сите резултати, табели и случувања од овој традиционален спортски настан.
