Вечерва беа одиграни нови три натпревари од Новогодишниот турнир во мал фудбал „Куклиш 2024“, а првиот меч донесе девет погодоци откако Еклектик со 7:2 однесе убедлива победа над Криго Трејд.
Седат Мамудов беше стрелец на четири погодоци, Тони Мичковски постигна два гола, а пак Славче Митовски постигна еден гол, додека пак кај поразениот тим Игор Вргов беше стрелец на двата гола.
Во вториот меч екипата на Герасов со 11:2 го декласираже Баджо Компани во секој сегмент на теренот. Љупче Христовски постигна четири погодоци, ВЛадимир Трендафиловиќ беше стрелец на три гола, Ненад Тодоровски беше двоен стрелец, а по еден гол имаа ФИлип Неделковски и Роберт Илиевски, за поразениот тим Сабри Садилов беше стрелец на двата гола.
Во третиот меч екипата на Герасов однесе уште една победа, овој пат потесна со Куклиш од 4:3.
Филип Неделковски беше двоен стрелец, Ненад Тодоровски и Теодор Наков постигнаа по еден гол, додека пак кај Куклиш стрелци беа Васко Дрвошанов, Филип Митрев и Јордан Николов.
Утре на програмата се нови три натпревари, а вечерта ќе биде отворена со натпреварот од 19 часот меѓу Христмил Банско и Чореви Транс, еден час подоцна Вистони ЖП ќе се соочи со Наше Мало, а пак во 21 часот Дрвош ќе игра против Еро Градба.
Спонзори и помагатели на „Куклиш 2024“ се Општина Струмица, Еклектик, Лав Комерц, Јови-МК, Никола Црнкаров, Агро-Драв-ВД, Едисон Јосе, Фреш Енд Драј, Криго-Каес, НП-Транс, Бимакс-Плус, Вен Воцар, Икарус, Стариот Џумбушлија, Христмил-Банско, Тера Пет Плус, Владо Банско, Печатница Дељо, Токи Еднокуќево, Термо-Митко и Флекс Компани.
Спортска Мрежа е медиумски покровител на овој спортски настан.
