Продолжија возбудувањата на традиционалниот турнир во мал фудбал „Петровден“ во Мешеишта, каде и вечерва бројната публика имаше можност да проследи интересни и ефикасни натпревари.
Во рамките на денешната програма беа одиграни три натпревари, а на теренот беа постигнати вкупно 16 погодоци.
Во првиот натпревар од Групата Б, екипата на Томе Електрик забележа убедлива победа над Попоски Инженеринг Кафе Дома со резултат 8:2, покажувајќи одлична офанзивна игра.
Сигурен настап имаше и составот на Гостилница Кај Мече, кој во дуел од Групата Е без поголеми проблеми славеше против Кибо Пласт со убедливи 4:0.
Во последниот натпревар од вечерта, Екстра Скопско ги освои бодовите во Групата Ф откако со 2:0 беше подобар од АД Галеб.
Резултати од неделната програма:
• Попоски Инженеринг Кафе Дома – Томе Електрик 2:8 (Група Б)
• Гостилница Кај Мече – Кибо Пласт 4:0 (Група Е)
• АД Галеб – Екстра Скопско 0:2 (Група Ф)
Турнирот продолжува и во понеделник (22 јуни), кога на програмата се нови три интересни натпревари:
• 20:30 часот: Др. Баткоски – Етно Ресторан Дедо Димо (Група Х)
• 21:30 часот: Екстра Скопско – Златара Бени Ерол (Група Ф)
• 22:30 часот: Виена Комерц – ДООЕЛ Ноче (Група Ц)
Турнирот „Петровден“ во Мешеишта и оваа година уште еднаш потврдува дека е еден од најдобро организираните турнири во регионот, а „Спортска Мрежа“, како и во изминатите години, е медиумски покровител на оваа спортска манифестација.
