Организаторите ги објавија групите и распоредот за првите натпревари на турнирот, кој ќе се игра во четири групи.
Во групата А ќе се натпреваруваат Студио 13, Враништа, Инекс Олгица и Никем. Во групата Б се сместени Солар Буилд, Екстра Скопско, Чардак Велгошти, Новаци Пеце Матичевски и Сливница.
Групата Ц ја сочинуваат Пекара Александар, ФК Ресен, Пропер Претор, Бел Мерцедес и Аце Најдески, додека во групата Д ќе играат АСП Пак, Струга, Горан Струја и Гулаби Бели.
Турнирот официјално ќе биде отворен во петок, на 12 јуни, кога ќе се одиграат четири натпревари. Од 19 часот силите ќе ги одмерат Никем и Инекс Олгица, од 20 часот следува дуелот меѓу Солар Буилд и Екстра Скопско, од 21 часот ќе играат Пекара Александар и ФК Ресен, додека вечерната програма ќе ја затворат АСП Пак и Струга со натпревар закажан од 22 часот.
Возбудувањата продолжуваат и во сабота, 13 јуни. Од 19 часот ќе се сретнат Пропер Претор и Аце Најдески, од 20 часот ќе играат Чардак Велгошти и Сливница, од 21 часот е закажан натпреварот меѓу Студио 13 и Враништа, а последниот меч на денот ќе го одиграат Горан Струја и Гулаби Бели од 22 часот.
И оваа година, спортскиот портал Спортска Мрежа ќе биде медиумски покровител на турнирот „Ресен 2026“, продолжувајќи ја поддршката на еден од најинтересните спортски настани во Преспанскиот регион.
Се очекуваат многу неизвесни натпревари, голема посетеност и вистинска фудбалска атмосфера, а учесниците ќе се обидат да стигнат до трофејот на едно од најатрактивните летни натпреварувања во мал фудбал.
