Каменица Саса е есенски шампион во Трета лига помлади пионери лига А, откако есенската полусезона ја заврши на првото место со 25 освоени бодови со учинок од осум победи, едно реми и два порази.
Во есенскиот дел младите „рудари“ реализираа 23 погодоци, а ја имаат најдобрата одбрана која примила само шест погодоци.
Саса е прва со два бода повеќе во однос на Силекс кој есенскиот дел го заврши на второто место со 23 бодови на своето конто.
Екипата на Каменица Саса е составена од играчи од Македонска Камниеца и Оризари, а тренерите на екипата се Столе Тошев и Благој Димитровски.
Каменица Саса го има и најдобриот стрелец во лигата, тоа е Александар Митевски кој постигна осум погодоци во есенската полусезона.
„Екипата која веќе две години се воигрува и се надополнува од помладите генерации на Саса и Академија Тошев од Оризари, оваа полусезона покажува резултати. Нашата цел е да бидеме прваци, а со тоа од следната сезона да се натпреварува во Втората младинска лига. Во пролетниот дел не очекува многу борба на фудбалските терени, оваа генерација има голем потенција, која во иднина ќе се наметни повеќе од сигурно и во првиот тим на Каменица Саса“, рече тренерот Столе Тошев во изјава за Спортска Мрежа.
Во Саса одлично се работи со младинските категории, тоа се покажува и со големи резултати во есенскиот дел. Работата на тренерското дуо Димитровски и Тошев дава голем резултат.
