Вечерва се одиграа првите три натпревари од овогодишениот турнир во мал фудбал „Куклиш 2024“, а на стартот Вистони ЖП однесе убедлива победа од 11:0 над Еро Градба.
Гогов и Черкезов постигнаа по три гола за победничката екипа, по два гола Трајков и Коцев, а пак стрелец на еден гол беше Божинов.
Во вториот меч Чореви Транс со 5:3 славеше над ЕАМ Џурџу, во меч каде за победничката екипа стрелци беа Дрвошанов, Стојковски, Крстев, Иванов и Митров, а пак за поразената екипа стрелаа Гогов, Миташев и Ивановски.
На стартот од турнирот Фенербахче доживеа тежок пораз од екипата на Јови МК со резултат од 1:5, каде за победничката екипа двојни стрелци беа Бучков и Глигоров, а пак Гавровски беше стрелец на еден гол. За поразената екипа единствен стрелец беше Бушин.
Утре ќе бидат одиграни нови три натпревари. Во 19 часот Јен Оил ќе игра против Фурна Марфи, еден час подоцна Фенербахче против Парналија Спор, а од 21 часо Куклиш против Баџо Компани.
Спортска Мрежа е медиумски покровител на овој спортски настан.
