Денес се игра последното 30. коло во Втората македонска фудбалска лига, а пет екипи денес ќе го одиграат последниот натпревар како второлигаши, бидејќи од следната сезона се враќаат во третолигашкото друштво.
Три екипи експресно испаѓаат во Трета лига, а најмногу екипи испаѓаат во Јужниот регион.
Големо Коњари, Слога Виница и Преспа по само една сезона се враќаат назад во Трета лига, додека пак Вардар Неготино по три сезони во второлигашката конкуренција ќе се пресели во понизок ранг на натпреварување, а фудбалскиот бренд Победа од следната сезона ќе биде во третолигашка конкуренција.
Од овие екипи во Трета лига – Југ испаѓаат Големо Коњари, Победа и Вардар Неготино, Преспа испаѓа во Трета лига – Југозапад, а Слога Виница во Трета лига – Исток.
