Вечерва во Крива Паланка се комплетираше осмото коло на Првата футсал лига, откако Шкупи со 3:7 запиша голема победа над Осогово.
Победа која беше најавена во првиот дел од мечот кога гостинот имаше висока предност од 1:4, а во вториот дел само ја потврди победата.
За домашниот тим стрелци беа Кристија Станојковски, Мартин Тодоровоски и Давид Ристовски. За гостинската екипа Исмет Цека постигна хет-трик, по еден гол имаа Љавдрим Фазлију, Артан Јунизи и Сали Салиевски, а пак Никола Спасовски од домашната екипа си постигна автогол.
Како што веќе информираше Спортска Мрежа екипата на Кеги Моби со 5:1 славеше над Железарец, Форца со 2:1 го доби дербито со Проект, Јувентус Серава со 4:8 загуби од Клими, а пак Црна Река и Бутел одиграа 2:2.
