На Градскиот стадион во Радовиш во рамки на 14. коло од Втората македонска фудбалска лига се соочија Детонит Плачковица и Башкими, во дерби меч каде теренот беше во целост под вода и немаше реални услови за фудбалска игра, а истиот го доби домаќинот со 3:1.
Христијан Митревски постигна гол за водство на Башкими од 0:1, а потоа следуваше брз пресврт на Детонит Плачковица, преку Албан Таипи и Иван Настевски. Во вториот дел се обидуваа и двете екипи да дојде до погодок, но големата количина на вода на самиот терен беше пречка за било што фудбалско да се спроведе, а во финишот на мечот домаќинот доби пенал кој успешно го реализираше Стефан Бабунски за конечни 3:1.
На „Цвај арената“ Вардар Неготино со пресилни 6:1 го „здроби“ Вардарски, со што „фенерџијата“останува закован на дното од табелата и пополека веќе ги пакува куферите за враќање во Трета лига – Исток.
Кирил Неделков запиша хет-трик за домашниот тим, а по еден гол постигнаа Шишкков, Крстев и Ќазимов, додека пак за гостинот единствен стрелец беше Спасовски.
На стадионот „Никола Мантов“ во Кочани се соочија Осогово и Каменица Саса, во дерби на овие две екипи кое има долга традиција, каде „рударите“ со 1:3 лесно се справија со „жетварите“ кои ќе имаат тешка борба за опстанок. Ајрули и Мичковски погодија за 0:2 на полувреме, а во вториот дел Симевски зголеми на 0:3. Во финишот Таневски си постигна автогол за конечни 1:3.
На „Железарница“ во Автокоманда се соочија Скопје и Новаци во дуел од средишниот дел на табелата каде, домаќинот беше подобар со 2:0. Шуку и Наумовски беа стрелци на погодоци во Автокоманда.
Во Гевгелија екипата на Кожуф ја пречека прилепска Победа, против која триумфираше со минимални 1:0 и со тоа се врати на победите. Благој Стојанов го реши натпреварот во Гевгелија во полза на домаќинот.
Брегалница на Градскиот стадион во Штип се соочи со Охрид каде „сините“ со погодоците на Томовски и Стојков беа подобри со 2:0 и продолжуваат победничките кон Прва лига.
Борец на домашен терен забележа уште еден пораз, откако загуби од Беласица со минимални 0:1, а стрелец за струмичани беше Капсаров.
Лидерот Македонија ЃП се соочи со четвртопласираниот Арсими каде голот на Кире Маркоски за победа од минимални 1:0.
