Ракометарите на ГРК Охрид ги одработуваат последните подготовки пред еден од најважните натпревари во сезоната – реваншот од полуфиналето во ЕХФ Европскиот Куп. Атмосферата во тимот е на високо ниво, а фокусот е целосно насочен кон утрешниот предизвик.
Играчите се мотивирани да одговорат на предизвикот, а дополнителен мотив претставува и фактот што салата ќе биде исполнета до последното место. Поддршката од навивачите се очекува да биде клучен фактор.
Сè е подготвено за вистински ракометен спектакл во „Билјанини извори“. Охрид со полн фокус и голема верба ќе влезе во мечот, со надеж дека токму утре ќе го направи решавачкиот чекор кон европското финале.
